Námskeið

Stuðningsnámskeið fyrir ferðalanga

Fyrir hvern?
Námskeiðið er ætlað fólki sem hefur ákveðið að nýta sér eiginleika hugvíkkandi efna í þeirri von að öðlast betri heilsu og vill faglega fræðslu áður en þau leggja í ferðalagið.

Á undanförnum árum hefur umfjöllun um hugvíkkandi lyf aukist töluvert. Rannsóknir á meðferð með aðstoð þeirra lofa góðu og umfjöllun um lyfin hefur einkennst af bjartsýni.

Mikilvægt er hins vegar að átta sig á því að hugvíkkandi lyf eru eingöngu lítill hluti þess árangurs sem rannsóknir sýna. Jafn stór þáttur, ef ekki stærri, er sú staðreynd að inntöku lyfjanna fylgir öflugur og góður undirbúningur, utanumhald á meðan á inntöku stendur og eftirmeðferð. Meðferðin sjálf er forsenda árangurs í langflestum tilvikum.

Hugvíkkandi lyf eru með öðrum orðum verkfæri og líkt og með önnur verkfæri þá skiptir öllu máli hvernig þau eru notuð. Það er skýr greinarmunur á því að nota hugvíkkandi lyf ein og sér og því að sækja sér meðferð með aðstoð þeirra. Þar að auki er ákveðin áhætta fólgin í því að taka þessi lyf án þess að hafa fengið réttan undirbúning og utanumhald á undan, á meðan og á eftir.

Við hjá Heilshugar brýnum fyrir fólki að flýta sér hægt. Meðferð með aðstoð hugvíkkandi lyfja er ekki orðin lögleg hér á landi enn sem komið er og því ekki mögulegt að komast í slíka meðferð nema ferðast út fyrir landsteinana.

Staðreyndin er þó sú að á undanförnum árum hefur aðsókn í svokölluð hugvíkkandi ferðalög aukist töluvert, enda samfélagið í andlegri krísu og tíðni kvíða, þunglyndis og annarra tilfinningaraskana hækkar ár frá ári. Það því skiljanlegt að fólk freisti þess að fá bót meina sinna þrátt fyrir að enn sem komið er séu hugvíkkandi lyf og meðferðir sem nýta þau ólöglegar.

Með skaðaminnkun að leiðarljósi býður Heilshugar því upp á stuðningsnámskeið fyrir þau sem hafa ákveðið að fara þessa leið.

Um er að ræða fimm skipta hópnámskeið, samtals 10 klst, hannað að þörfum þeirra sem hafa ákveðið að nýta sér eiginleika hugvíkkandi efna í þeirri von að öðlast betri heilsu.

Markhópur námskeiðanna er eftirfarandi:

  • Fólk sem hefur tekið ákvörðun um að fara í hugvíkkandi ferðalag, vill hámarka öryggi sitt og fá skaðaminnkandi leiðbeiningar
  • Fólk sem vill fá faglega fræðslu um undirbúning og eftirvinnslu hugvíkkandi ferðalags
  • Fólk sem hefur notað hugvíkkandi lyf og vantar stuðning eftir ferðalagið

Næsta námskeið hefst: 13. október

 

Athugið!
  • Við veitum ekki hugvíkkandi meðferð
  • Við hvetjum ekki til notkunar á hugvíkkandi lyfjum
    • Markhópurinn er fólk sem hefur ákveðið af eigin frumkvæði að fara þessa leið
  • Við hjálpum fólki ekki að nálgast hugvíkkandi lyf
  • Við vísum ekki í hugvíkkandi meðferð
  • Við umgöngumst ekki lyfin, né höfum þau nokkurs staðar í nálægð við okkur
  • Ekki er hægt að hoppa inn í annað námskeið ef þú missir af tímum.
Innihald námskeiðs:

      Fræðsla um lyfin sjálf, sögu þeirra og virkni

      Hvað ber að varast og hverju ber að huga að fyrir og eftir ferð

      Hópar þar sem fólk hittist í nokkur skipti fyrir ferð

      Hjálp við undirbúning undir ferðalag

      Að setja ásetning fyrir ferðalagið. Hvað viltu leggja áherslu á? Hvaða vandamál glímirðu við?

      Kortlagning á eigin lífi

      Samþætting: Hjálp til að skoða hvað þú vilt taka úr ferðalaginu, hvaða sjónarhorn þú vilt skoða, hvaða breytingar þú vilt gera og stuðningur til að gera þær breytingar á lífi sínu

      Aðgangur að vikulegum stuðningshópi eftir að námskeiði lýkur

 EKKI innifalið:

      Leiðbeiningar um, vísun til, eða hjálp við að finna aðila sem býður upp á hugvíkkandi ferðalög.

 

Skaðaminnkandi hugmyndafræði

Með skaðaminnkun að leiðarljósi býður Heilshugar upp á stuðningsnámskeið fyrir þau sem hafa ákveðið að fara þessa leið. Markhópur námskeiðanna er eftirfarandi:

  • Fólk sem hefur tekið ákvörðun um að fara í hugvíkkandi ferðalag, vill hámarka öryggi sitt og fá skaðaminnkandi leiðbeiningar
  • Fólk sem vill fá faglegt utanumhald í undirbúningi og eftirvinnslu hugvíkkandi ferðalags
  • Fólk sem hefur notað hugvíkkandi lyf og vantar stuðning eftir ferðalagið
Stjörnubjartur himinn
Stuðningsnámskeið fyrir ferðalanga - Almennt grunnnámskeið

5 skipti, 2 tímar í senn

  • 1. tími: Hópurinn hittist, fræðsla um hugvíkkandi lyf, spurningum svarað.
  • 2. tími: Hugvíkkandi lyf vs. meðferð með aðstoð hugvíkkandi lyfja. Áhættur og ávinningur.
  • 3. tími: Að setja ásetning. Kortlagning og leiðir.
  • 4. tími: Undirbúningur fyrir ferðalag. Hvað ber að varast og hvað ber að hafa í huga?
  • 5. tími: Eftir ferðalag, hvað þá? Hvernig hámörkum við ávinning af reynslunni?
Tímasetning: Fimmtudagar 18:30 – 20:30
Leiðbeinandi: Lilja Sif Þorsteinsdóttir, sálfræðingur
Verð: 49.900,
 
 
Vertu með

Vertu hluti af samfélaginu