Námskeið

Aftur til sjálfrar mín - grunnnámskeið

Fyrir hvern?
Námskeiðið er ætlað konum með áfallasögu og/eða tilfinningalega erfiðleika.

Námskeiðið er ætlað konum með áfallasögu og/eða tilfinningalega erfiðleika, og markmið námskeiðsins er að gefa þátttakendum verkfæri til að tengjast sjálfri sér betur, bæði líkamlega og andlega.

Lögð er áhersla á að þátttakendur finni til öryggis, samstöðu og hópanda sem liggur til grundvallar góðum framförum. Hver tími hefur ákveðið þema og byggir á sálfélagslegri fræðslu ásamt verkefnum sem tengjast þemanu. Einnig eru gerðar æfingar sem hjálpa konunum að tengjast líkama sínum og sjálfum sér betur. Þar er t.d. notast við jóga, núvitund, hugleiðslu og verkefnavinnu.

 

Námskeiðið hefur fengið mjög góða dóma þátttakenda.

 

Á grunnnámskeiðinu lærir fólk:

  • Um líffræði áfalla
  • Hvernig uppvöxtur mótar heilaþroska og upplifun okkar af heiminum
  • Innsýn inn í eigin viðbrögð við heiminum
  • Um mikilvægi félagstengsla
  • Um tilfinningar og tilfinningastjórnun
  • Um tengingu líkamlegrar og andlegrar heilsu
  • Æfingar til að tengjast líkama sínum á nýjan leik

Dagskrá:

1. tími                 Hvað eru áföll

2. tími                Líffræði áfalla

3. tími                Áhrif uppvaxtar

4. tími                Áhrif félagstengsla

5. tími                Að skilja eigin viðbrögð

6. tími                Tilfinningar og tilfinningastjórnun

7. tími                Innri gagnrýnandinn

8. tími                Ytri gagnrýnandinn

Kennt er á mánudagseftirmiðdögum frá kl. 17:00 – 19:30.

 

Námskeiðið er haldið 1x í viku í 2,5 tíma í senn, í samtals 8 skipti eða 20 klst og hefst 25. apríl.

Leiðbeinandi: Lilja Sif Þorsteinsdóttir, sálfræðingur

Verð: 95.000,- (4750,- kr/klst)

Hægt er að skipta greiðslum í þrennt (staðfestingargjald 20 þús og svo tvær greiðslur 37.500) og svo niðurgreiða stéttarfélög námskeiðið.

Vitnisburðir fyrrum þátttakenda:

“Ótrúlega áhugavert námskeið, ég lærði svo mikið um áföll og afleiðingar
þess, og sérstaklega hvernig ég get tekist á við það, ég fékk
raunveruleg tæki og tól!”

“Þetta námskeið á að mínu mati að vera kennt í 10. bekk og eiga allir að
fara á þetta. Að skilja betur rauðu flöggin og viðbrögð sem maður getur
sýnt er nauðsynlegt til að skilja betur sjálfa sig. Takk fyrir mig.”


Vertu með

Vertu hluti af samfélaginu