NÁMSKEIÐ
Í öryggi gróa sárin – Að koma sér úr ofbeldissambandi
Ertu föst í ofbeldissambandi og vilt koma þér út úr því?
Ertu í miðju ferlinu? Sérðu jafnvel fram á erfiðan skilnað? Komdu á námskeið sem sérhannað er til að fara í gegnum þær upplýsingar sem gott er að hafa til að geta tekið skrefin og gert ferlið eins auðvelt og átakalaust og möguleiki er á.
Lýsing
Námskeiðið er fjögur skipti, tveir tímar í senn.
Dagskrá
Tími 1: Nauðsynlegar varúðar- og öryggisráðstafanir
Tími 2: Hvað er ofbeldi? Fræðsla um birtingarmyndir, eðli o.fl.
Tími 3: Samskipti við kerfið – hindranir og hjálp
Tími 4: Fjölskyldutréð og millikynslóðasmit, hvernig lærum við ást, tengsl
Kennarar
Sigrún Jóhannsdóttir hdl., hefur starfað sem lögmaður síðan árið 2009. Hún hefur langa reynslu af því að starfa með þolendum ofbeldis og hefur sérhæft sig meðal annars í forsjárdeilumálum og í réttargæslu fyrir þolendur kynferðisafbrota.
Lilja Sif Þorsteinsdóttir sálfræðingur hefur starfað sem sálfræðingur síðan 2012. Hún hefur sérhæft sig í áfallamálum, þar á meðal hefur hún unnið mikið með þolendum ofbeldis í nánu sambandi.